Հունիսի 16-ին «Սանկտ Պետերբուրգի պալատներ» միջազգային երաժշտական փառատոնը Երևանում կներկայացնի «Տիգրան Մեծի կերպարանափոխությունները» միջազգային մեծ երաժշտական նախագիծը: Զվարթնոց տաճարի վայրի առեղծվածային մթնոլորտում երաժշտության միջոցով կբացահայտվի լեգենդար թագավոր Տիգրան II-ի պատմությունը։ Բացառապես այս նախագծի համար Նեապոլի երաժշտական գրադարանը տրամադրել է իտալացի մեծագույն կոմպոզիտորներ Վիվալդիի, Սկարլատիի, Պերգոլեզիի, Պուչինիի օպերաների եզակի նոտաներ:Հազվագյուտ վոկալային հմտություններ կցուցադրի իտալացի հայտնի կոնտրտենոր Աուրելիո Սկիավոնին (Իտալիա):

Կատարողներ՝ ռուսական և եվրոպական բեմերի մենակատար, սոպրանո Մարինա Զյատկովա,միջազգային և ռուսական մրցույթների դափնեկիր, Մեծ և Մարիինյան թատրոնի մենակատար Բորիս Ստեպանովը, Միխայլովսկու թատրոնի մենակատար Կարեն Ակոպով: Համերգը կղեկավարի Քրիստիան Դելիսոն (Իտալիա)՝ կամերային նվագախմբի մասնկացությամբ:

Ծրագիրն իրականացվում է գլխավոր գործընկեր «ԱՐԴՇԻՆԲԱՆԿ» փակ բաժնետիրական ընկերություն  աջակցությամբ:

Ծրագրի գործընկեր՝ «Զվարթնոց» պատմամշակութային արգելոց-թանգարան:

Գեղարվեստական ղեկավար՝ Մարիա Սաֆարյանց