Թունելից 13 կմ հեռավորության վրա» հոգեբանական թրիլեր է առաջին կուրսի մի խումբ ուսանողների մասին, որոնք հայտնվում են Լուռագարակ գյուղում։ Սովորական թվացող այցը արագ վերածվում է մղձավանջի, երբ գյուղում սկսում են տեղի ունենալ խորհրդավոր մահեր։ Փորձելով հասկանալ, թե ինչ է կատարվում, նրանք ներգրավվում են մի վտանգավոր պատմության մեջ, որտեղ վախը, կասկածը և իրականության սահմանները գնալով ավելի են խառնվում։ Որքան խորանում են գաղտնիքների մեջ, այնքան պարզ է դառնում, որ գյուղից դուրս գալը կարող է շատ ավելի դժվար լինել, քան թվում էր։