Ժամանակացույց
ԳԱԲՐԻԵԼ ՍՈՒՆԴՈՒԿՅԱՆԻ ԱՆՎԱՆ ԱԶԳԱՅԻՆ ԱԿԱԴԵՄԻԱԿԱՆ ԹԱՏՐՈՆ
Նկարագրություն
Սավվա Սավելևի պիեսը անդրադառնում է
Մարլեն Դիտրիխի և Կոնստանտին Պաուստովսկու պատմական հանդիպմանը: Հրաշալի
դերասաններ՝ Եկատերինա Վառնավան և Սիմոն Շտեյնբերգը, միանգամից մարմնավորում են
տասնյակ կերպարներ՝ վերածվելով Հոլիվուդի աստղերի ու գյուղացիների, հայտնվելով
հեռուստատեսային ստուդիաներում, խրճիթներում և կարմիր գորգի
մրցանակաբաշխություններում: Ներկայացումը զգացնել է տալիս կյանքի և ճակատագրի
ուժը, տխրությունն ու ուրախությունը, պարը, երաժշտությունը, ծիծաղը և
ամենակարևորը՝ սերը: «Ես՝ Մարլենը» կենսագրական պիես է լեգենդար կնոջ մասին, ով
չխոնարհվեց XX դարի չարիքի առաջ, բայց խոնարհվեց մահացող խորհրդային գրողի առաջ:
Սավվա Սավելև, Եկատերինա Վառնավա,
Սիմոն Շտեյնբերգ:
Հանելուկային պիես, որը կցանկանաք
բացահայտել հենց առաջին րոպեներից:
Ձնհալի վերջում, 63-ամյա Հոլիվուդյան աստղ Մարլեն Դիտրիխը այցելում է Մոսկվա
և Կենտրոնական գրողների տան բեմում խոնարհվում խորհրդային գրող Կոնստանտին
Պաուստովսկու առաջ: Սավվա Սավելևի պիեսը և ներկայացումը ծնունդ են առել այս պահի
արխիվային լուսանկարից: Այն բացահայտում է հուզիչ կապը 20-րդ դարի կինո լեգենդի և
գյուղ Զաբորյեից մահացող ծեր կնոջ միջև, որը Պաուստովսկու «Հեռագիր» պատմվածքի
հերոսուհին է: Երկու կանայք, երկու ճակատագրեր, որոնք այսքան ընդհանուր բան ունեն:
Պիեսը «Ես՝ Մարլենը», իր ոգով
կինեմատոգրաֆիկ է, ինչպես Մարլեն Դիտրիխի կենսագրությունը: Իր կարիերայի
գագաթնակետին Մարլենը մերժում է համագործակցել Գեբելսի հետ, ստանում է ամերիկյան
քաղաքացիություն և երեք տարի շարունակ ելույթներ է ունենում հակաֆաշիստական
կոալիցիայի զինվորների առջև: Նա զգացել է հայրենիքի կորուստը, պատերազմի
սարսափները և վերադարձը մի քաղաք, որը նրան չընդունեց: «Ես՝ Մարլենը» կենսագրական
պիես է լեգենդար կնոջ մասին, ով չխոնարհվեց չարիքի առաջ, բայց խոնարհվեց մահացող
խորհրդային գրողի առաջ:
Անզուգական Եկատերինա Վառնավան և անկրկնելի
Սեմյոն Շտեյնբերգը, միաժամանակ
կատարում են մի քանի դեր: Մի ակնթարթում նրանք վերածվում են Հոլիվուդի աստղերի և
գյուղացիների: Ներկայացումը ստիպում է զգալ կյանքի և ճակատագրի ուժը, թախիծն ու ուրախությունը,
պարը, երաժշտությունը, ծիծաղը, և, ամենակարևորը՝ սերը։ «Ես՝ Մարլենը» կենսագրական ներկայացում
է լեգենդար կնոջ մասին, ով չխոնարհվեց XX դարի չարիքի առաջ, բայց խոնարհվեց մահացող
խորհրդային գրողի առաջ։ Ինչո՞ւ։ Դրա պատասխանը հանդիսատեսը կգտնի հենց պիեսի ընթացքում։
Ներկայացման ստեղծողները՝
Դրամատուրգ և բեմադրիչ Սավվա Սավելևը, երկու անգամ առաջադրվել
է «Ոսկե Դիմակ» մրցանակի։ Նրա «Հոգ տարեք ձեր դեմքերի մասին» պիեսը 2022 թվականին դարձավ
Գոգոլի կենտրոնի վերջին պրեմիերան։ «Ես՝ Մարլենը» (2023) և «Թռիչքը» (2024) Սավելևի
եռագրության երկրորդ և երրորդ մասերն են, որոնք նվիրված են ազատությանն ու հիշողությանը։
Սավելևը համագործակցել է Կիրիլ Սերեբրեննիկովի հետ մի շարք նախագծերում, և որպես գրող
ու բեմադրիչ՝ Դանիլա Կոզլովսկու հետ «ՖՐԱՆԿ» մյուզիքլում (2024) և Ինգեբորգա Դապկունայտեի
հետ «Բարև նրանց, ովքեր սպասում էին» ներկայացման մեջ։ Սավելևի յուրաքանչյուր գործ ազատության մանիֆեստ
է, հայտարարություն այն մասին, թե որքան կարևոր է ինքդ քեզ հավատարիմ մնալը։
Եկատերինա Վառնավան
ռուսական կանացի stand-up-ի հասկացությունը գլխիվայր շուռ տված «Կոմեդի Վումեն» շոուի
ստեղծողներից և մասնակիցներից մեկն է։ Որպես թատրոնի և կինոյի դերասանուհի՝ նա հանդես
է եկել Մալայա Բրոննայա թատրոնում («Բուլբա.Պիր» 2020-2021, «Պլատոնով Բոլիտ»
2021-2022) և Crave կաբարե թատրոնի «Բացարձակապես մերկ» ներկայացման գլխավոր դերում,
որն ավելի քան հարյուր անգամ լեփ-լեցուն ներկայացումներ է ունեցել Վառնավայի հմայիչ
խաղի շնորհիվ։
Սեմյոն Շտեյնբերգը Գոգոլ կենտրոնի առաջատար դերասաններից մեկն
է, ով խաղացել է Կիրիլ Սերեբրեննիկովի «Փոքրիկ ողբերգություններ», «Կաֆկա» և «Դահիճները»
ներկայացումներում։ «Ես՝ Մարլենը» ներկայացման մեջ նա ապացուցում է, որ ունի հազարավոր
կերպարների վարպետություն, մարմնավորելով Ժան Գաբենին, Կոնստանտին Պաուստովսկուն, ամերիկացի
վիրաբույժին կամ գյուղացի տղային՝ Տիշային։