'Ճակատագրի հեգնանք, կամ բաղնիքդ անուշ'

Ֆիլմի գործողությունները տեղի են ունենում Մոսկվայում՝ ամանորի նախաշեմին: Ֆիլմի գլխավոր հերոսը մոսկվացի Եվգենի Լուկաշինն է, ով ամանորյա ավանդույթի համաձայն, իր ընկերների հետ գնում է բաղնիք, որտեղ լավ հարբում է: Բաղնիքից հետո ընկերները որոշում են ճանապարհել նրանցից մեկին օդանավակայան։ Շփոթելով, նրանք ինքնաթիռ են նստեցնում կիսաքուն վիճակում գտնվող Ժենյաին։ Արթնանալով Լենինգրադի Պուլկովսկի օդանավակայանում, հարբած Լուկաշինը, նստելով տաքսի, ասում է իր Մոսկվայի հասցեն: Որքան էլ տարօրինակ է, բայց Լենինգրադում կա նույն փողոցը և տունը, որը տեղակայված է ճիշտ այնպես, ինչպես Մոսկվայում։ Առանց կասկածելու, Ժենյան բնակարան է բարձրանում, համարելով այն իր սեփականը, և բացում է դուռը իր բանալիով․․․