Փետրվարի 24-ին՝ ժամը 19։00-ին Երևանի սրտում գտնվող «Առնո Բաբաջանյան» համերգասրահում տեղի կունենա յուրահատուկ համերգ։

Ձմեռային այս բացառիկ երեկո վիրտուոզ դաշնակահար, կամերային երաժշտության նրբանկատ կատարման վարպետ, միջազգային մրցույթների դափնեկիր Տիգրան Բերկելյանը կկատարի «Նեոկլասիկայի տիեզերքը» հատուկ ծրագիրը, որում կհնչեն նեոդասական այնպիսի վարպետների ստեղծագործությունների դաշնամուրային կատարումներն, ինչպիսիք են Լյուդովիկո Էյնաուդին և Հանս Ցիմերը, Մաքս Ռիխտերը և Օլավյուր Արնալդսը, ինչպես նաև առեղծվածային հանելուկ՝ Էնյայի կելտական մեղեդիները: 

ՀԱՄԵՐԳԻ ԾՐԱԳԻՐ

● Լ․ Էյնաուդի  – Petricor

● Մ․ Ռիխտեր - Sofa Chess

● Լ․ Էյնաուդի  – Una mattina 

● Լ․ Էյնաուդի – Divenire

● Օ․ Արնալդս – Saman 

● Հ․ Ցիմեր – Ժամանակ

● Լ․ Էյնաուդի – Elements

● Հ․ Ցիմեր – Interstellar 

● Էնյա – Only time

● Լ․ Էյնաուդի – Due Tramonti 

● Մ․ Նայման - Songs for Tony

● Լ․ Էյնաուդի – Oltremare

● Լ․ Էյնաուդի – Experience 

● Լ․ Էյնաուդի – Fly

● Հ․ Ցիմեր - երաժշտություն «Կարիբյան ծովի ծովահենները» ֆիլմաշարից.

- «Ջրահարսները»

- «Մեդալիոնը կանչում է»

- «Մահացած մարդիկ նավակի մեջ»

- «Նա ծովահեն է»

Խնդրում ենք նկատի ունենալ, որ համերգի ծրագիրը կարող է փոփոխվել

Համերգի կազմակերպիչն է RED EVENTS & Distribution ltd ստեղծագործական գործակալությունը, որը բացառիկ մշակութային միջոցառումներ է անցկացնում հինավուրց առանձնատներում, տանիքներում, ծաղիկների ջերմոցներում և այլ ամենամթնոլորտային վայրերում Հայաստանում, Մեծ Բրիտանիայում, Եվրոպայում, Ռուսաստանում և  այլ երկրներում: Կազմակերպվում են նաև համերգաշարեր մոմերի լույսի ներքո և մուլտիմեդիոն համերգներ, որոնք թույլ են տալիս ամբողջությամբ ընկղմվել տեսարվեստի և ձայնի աշխարհ: Պաշտոնական կայք՝  www.redevents.uk:

Համերգի սկիզբը՝ 19։:00-ին։

Հասցե՝ «Առնո Բաբաջանյան» համերգասրահ, Խ․ Աբովյան փ․ 2, ք․ Երևան, Հայաստան

Ուշադրությո՛ւն. ուշանալու դեպքում կարող են առաջարկվել գնված տոմսում նշված կատեգորիայից տարբերվող տեղեր: Հետևեք ադմինիստրատորների և անվտանգության աշխատակիցների հրահանգներին: Խորհուրդ ենք տալիս գալ նշված ժամից մի փոքր շուտ։

ԿԱՏԱՐՈՂԻ ՄԱՍԻՆ

Տիգրան Բերկելյանը ծնվել է 1988թ. Նիժնի Նովգորոդում (Ռուսաստան)։ Յոթ տարեկանից սկսել է ստանալ երաժշտական կրթություն նախ Երևանի Քուշնարյանի անվան երաժշտական դպրոցում, ապա՝ Չայկովսկու անվան երաժշտական տասնամյա դպրոցում Մարգարիտա Հակոբյանի դասարանում: 2006 թվականին շարունակել է ուսումը Կոմիտասի անվան պետական կոնսերվատորիայում` Իգոր Յավրյանի ղեկավարությամբ։ ԵՊԿ-ն ավարտելուց հետո ընդունվել է Կրիստիանսանդ քաղաքի (Նորվեգիա) Ագդերի (UiA) համալսարանի մագիստրատուրա։

Վարպետության դասեր է առել Յուրի Հայրապետյանից, Էշլի Վոսից, Մարիաննա Շիրինյանից, Ստեֆան Կովաչևիչից, Այնար Նեքլբերգից։

Դաշնակահարը 10-ից ավելի միջազգային մրցույթների և փառատոնների, այդ թվում՝ Գրիգի անվան հեղինակավոր միջազգային մրցույթի (Նորվեգիա) դափնեկիր է։ Որպես մենակատար և կամերային երաժիշտ հանդես է եկել Հայաստանում, Ռուսաստանում, Հունաստանում, Իսրայելում և Նորվեգիայում։

Ներկայումս դասավանդում է Չայկովսկու անվան երաժշտական դպրոցում։ Մշակութային աջակցության պետական ծրագրի շրջանակներում և կանադական Ատգեն Արմենյան Հիմնադրամի աջակցությամբ վարպետության դասեր է անցկացնում Հայաստանի բազմաթիվ մարզերում:

Մասնակցություն մրցույթներին և փառատոններին․

2014 - Գրիգի անվան միջազգային մրցույթի (Նորվեգիա) 3-րդ մրցանակ 

2012 - մասնակցություն Էյլաթի  (Իսրայել) կամերային երաժշտության միջազգային փառատոնին

2010 - մասնակցություն Կամերային երաժշտության միջազգային փառատոնին Սալոնիկում (Հունաստան)

2010 - Հեղինե Տեր-Ղևոնդյանի անվան նվագակցողների II մրցույթի 1-ին մրցանակ և հատուկ պարգև

2009 - Գ. Սարաջևի անվան VI դաշնամուրային մրցույթի 2-րդ մրցանակ

2008- 1-ին մրցանակ խոշոր ծավալի ստեղծագործությունների լավագույն կատարման համար

2007- մասնակցություն «Կամար Արտ» ժամանակակից և ավանդական արվեստի  փառատոնին

2004 - Վլադիմիր Հորովիցի հիշատակին նվիրված երիտասարդ կատարողների մրցույթի 2-րդ մրցանակ 

2002 - երիտասարդ կատարողների հանրապետական մրցույթի 2-րդ մրցանակ