Океан Ельзи լեգենդար խումբը Երևանում

2025 թ. հունիսի 20-ին Երևանում, #HelpforUkraine համաշխարհային շրջագայության չորրորդ մասի շրջանակներում, որը նշանավորում է Океан Ельзи խմբի 30-ամյակը, տեղի կունենա մեծ համերգ: Համերգի ընթացքում խումբը կներկայացնի միանգամից երկու ալբոմ՝ իրենց 10-րդ ուկրաինական «Той день» ալբոմը և առաջին անգլալեզու «LIGHTHOUSE» ալբոմը:

Այս ամառ Океан Ельзи-ն վերադառնում է Երևան՝ ներկայացնելու իր նոր ստեղծագործությունները մեծ համերգի շրջանակներում: Սա եզակի հնարավորություն է՝ կենդանի հնչողությամբ վայելելու նոր հիթերը, որոնք արդեն գլխավորում են երաժշտական չարթերը, ինչպես նաև սիրված դասական երգերը, որոնք ուղեկցել են միլիոնավոր ուկրաինացիների ողջ աշխարհում:

«LIGHTHOUSE» ալբոմը խորհրդանշում է հույս ու ուժ. յուրաքանչյուր ստեղծագործություն միավորում և ոգեշնչում է: «Той день» ալբոմի մասին խմբի առաջնորդ Սվյատոսլավ Վակարչուկն ասում է. «Ինձ համար այս ալբոմը ասոցացվում է արթնացման հետ: Երկար որոնումներից հետո սեփական եսին վերադառնալու զգացողություն է առաջացնում: Ոչ պատահականորեն ալբոմն իր ոճով նման է խմբի վաղ ստեղծագործություններին. այն թեթև է, ոգեշնչող ու անկեղծ»: Իսկ ալբոմի կազմը՝ սակուրայի ծաղկի ոճավորված պատկերով, խորհրդանշում է կյանքի արթնացում և ամենամյա վերածնունդ:

Океан Ельзи-ն բեմում միշտ փոխանցում է հզոր էմոցիաներ, անկրկնելի էներգիա և կենդանի հնչողություն, որը թողնում է անմոռանալի տպավորություններ: Սա այն համերգն է, որը պետք է լսել ու զգալ կենդանի կատարումով!

Океан Ельзи-ի մասին

Океан Ельзи-ն պարզապես խումբ չէ, այլ մշակութային երևույթ: 30 տարվա ընթացքում երաժիշտները դարձել են Ուկրաինայի խորհրդանիշը՝ ներկայացնելով այն աշխարհի ամենամեծ բեմերում:

Խումբը ստեղծվել է 1994 թվականին Լվովում: Իր կարիերայի ընթացքում նրանք ելույթ են ունեցել այնպիսի խորհրդանշական վայրերում, ինչպիսիք են Լոնդոնի Royal Albert Hall-ը, Նյու Յորքի Madison Square Garden-ը և Մանչեսթերի The Apollo-ն, ինչպես նաև հավաքել են տասնյակ հազարավոր հանդիսատեսներ Ուկրաինայի մարզադաշտերում: Ամբողջ աշխարհում նրանց սիրում են անկեղծության, խորը տեքստերի և համերգների անհավանական էներգիայի համար:

Քաղաք: Երևան
Ամսաթիվ: 2025 թ. հունիսի 20
Վայրը: Կարեն Դեմիրճյանի անվան մարզահամերգային համալիր
Ժամը: 20:00
Տոմսերի վաճառքի սկիզբը: 31.03.2025, ժամը 10:00