'Թանկարժեք Տղաները'

17 տարի առաջ, անհավանական խառնաշփոթի արդյունքում, տեղերով փոխում են երկու նորածինների։ Չիմանալով այդ մասին՝ ծնողները մեծացնում են նրանց՝ որպես իրենց որդիներ․․․ Տղաներից մեկը մեծանում է հաջողակ բիզնեսմեն Բաբկեն Դարբինյանի ընտանիքում։ Մյուս տղայի «հայրը»՝ Մովսես Դարբինյանը, կամ՝ Մոսոն, Բաբկեն Դարբինյանի հակապատկերն է։ Իր արկածախնդրության և անպատասխանատվության պատճառով նա կուտակել է մեծ պարտքեր և իր ընտանիքը հասցրել ծայրահեղ աղքատության։ Մոսոն անսպասելիորեն իմանում է, որ Ավետն իր կենսաբանական որդին չէ։ Բացահայտվում է տասնյոթ տարվա վաղեմության շփոթությունը։ Այդ մասին հայտնում են նաև Բաբկեն Դարբինյանին և նրա կնոջը՝ Սյուզանին։ Բացահայտումը հավասարպես ցնցում է երկու Դարբինյան ընտանիքներին։ Ի՞նչ անել․․․