Ինչպե՞ս ֆիլմ նկարել։ Դեմո տարբերակ | Վարպետության դաս

Հոկտեմբերի 10 | 13:00–16:00 | Քաջազնունի 1

Կարող եք գալ առանց կինոյի ոլորտում որևէ փորձի և ընդամենը 3 ժամում թիմի հետ միասին նկարահանել իրական մեկ րոպեանոց ֆիլմ։

Սա գործնական ստեղծագործական վարպետության դաս է, որի ընթացքում մասնակիցները կանցնեն ֆիլմի ստեղծման ամբողջ ճանապարհը՝ գաղափարից մինչև պրեմիերա։ Կմտածենք պատմություն, կբաժանենք դերերը նկարահանող խմբում, կնկարահանենք ֆիլմը և անմիջապես մեծ էկրանին կտեսնենք արդյունքը։

Պետք չէ իմանալ սցենար գրել, նկարահանել կամ մոնտաժել։ Պետք է միայն ցանկություն՝ փորձելու սեփական ուժերը կինոյում և աշխատելու մյուսների հետ միասին։

Ի՞նչ է ձեզ սպասվում

Դասախոսություն — 60 րոպե

Կխոսենք դրամատուրգիայի հիմունքների և ֆիլմարտադրության հիմնական փուլերի մասին «Կինոլաբորատորիա»-ի հիմնադիր Անգելինա Զեմլյանովայի հետ։

Կծանոթանանք նաև նկարահանման հիմնական կանոններին «Կինոլաբորատորիա»-ի օպերատոր և դասախոս Միխայիլ Նեկրասովի հետ։

Թիմային աշխատանք — 30 րոպե

Կբաժանվենք թիմերի, կմտածենք մի քանի պատմություն և դրանցից մեկը կվերածենք սցենարի։

Պատմության ընտրություն — 10 րոպե

Յուրաքանչյուր թիմ կներկայացնի իր գաղափարը, որից հետո միասին կընտրենք այն պատմությունը, որը կնկարահանենք։

Նկարահանում — 60 րոպե

Պրոֆեսիոնալ ռեժիսորի և օպերատորի ղեկավարությամբ՝

կբաժանենք դերերը թիմում
կընտրենք դերասաններին
կկարգավորենք լույսն ու կադրը
կնկարահանենք ֆիլմը երեք կադրով

Պրեմիերա — 10 րոպե

Միասին կդիտենք արդյունքը և կքննարկենք ֆիլմը։

Վարողներ

Անգելինա Զեմլյանովա — «Կինոլաբորատորիա»-ի հիմնադիր, սցենարիստ և ռեժիսոր, կինոյի ոլորտում ավելի քան 10 տարվա փորձով։

Միխայիլ Նեկրասով — օպերատոր-բեմադրիչ, գաֆեր և «Կինոլաբորատորիա»-ի դասախոս։ «Կինոլաբորատորիա»-ի 30 ֆիլմերի օպերատոր, «Radiovan»-ի և անկախ «Նովայա գազետա» լրատվամիջոցի օպերատոր։

Վարպետության դասը կանցկացվի ռուսերեն։

Եկեք, որպեսզի ընդամենը երեք ժամում անցնեք ամբողջ ճանապարհը՝ գաղափարից մինչև ֆիլմ։

Կազմակերպիչ՝ Անգելինա Զեմլյանովա Իգորի ԱՁ